Ang Tandang at ang Perlas.

Isang tandang ang naglalakad-lakad sa loob ng bakuran ng bukid kasama ng mga inahin nang bigla niyang mapansin ang isang bagay na kumikislap sa gitna ng dayami.

"Ho! ho!" wika niya, "akin 'yan!" Agad niyang hinukay ito mula sa ilalim ng dayami. Sa kanyang pagkamangha, ito pala ay isang perlas na nawala sa bakuran sa di-inaasahang pagkakataon.

"Maaring kayamanan ka," wika ni Ginoong Tandang, "sa mga taong nagpapahalaga sa iyo, ngunit para sa akin, mas gugustuhin ko pa ang isang butil ng sebada kaysa sa isang salop na mga perlas."

Ang mga mahahalagang bagay ay para sa mga taong kayang pahalagahan ang mga ito.